1.
Duvha tadulu,
Tshedza tshihulu,
Li tshi ntavhela
Ndi takalela
U naka halo
hu ndifhelaho.
Swiswi lo tuwa,
Na nne ndo fhatuwa
Ndo netuluwa.
Mbilu yanga vuwa,
U pfadze thendo
yo fanelaho.

2.
Tshedza tshihulu,
Na litadulu,
Mashango othe
Zwivhumbwa zwothe
Muvhumbi wazwo
ndi Mune wanga.
U vhusa hothe
U tshimbidza zwothe;
Zwothe zwi tshela
A tshi zwi kovhela;
Nne-vho ha ndzimi;
ndi Khotsi anga.

3.
Ndi a U renda,
Ndi a U tenda
Khotsi wa vhuthu,
Ha dzimi muthu.
Mu-linda-vhathu
a sa laliho.
He wa ri lwela
Wa ri vhavhalela
He wa ri tonda
Na he wa ri londa
Ndi kanzhi-kanzhi
lu sa dihwiho.

4.
Yesu Muvhusi,
Na la namusi
Ndi duvha lau
La vhuthu hau;
Li nge li nake,
ri fhatutshedzwe.
Pandela swina
Na zwi no ri dina;
Ri tanzwe mbilu,
U bvise vhutsilu,
Nga Muya wau
ri vhonetshelwe.

5.
U ri londote
Ndilani dzothe;
Mishumo yashu,
Na mbilu dzashu,
Zwine ra amba
zwi divhalee.
Milayo yau
Na mafhungo au
Ri zwi tevhele,
Ri U fulufhele,
Kha zwi no vhavha
ri kondelele.

6.
Ri vhavhalele,
Ri khathutshele,
Ri fhe mulalo,
Ri fhe dakalo;
Vhothe vha hashu
U vha tonde-vho,
Vhalwadze vhashu,
Zwisiwana zwashu,
Vha re nyendoni,
Na vha milingoni.
Fhumudza mbilu
dza vha lilaho.

7.
Murena washu,
U duvha lashu,
U ri tavhele
Ri vhonetshele,
Ri vhe na iwe
U tshimbidzaho
Vha re ndilani
Ya u ya hayani
Hune ra dzhena
Nga iwe Murena
Tshedzani tshau
tsho nakesaho.



Top