Bayete! Hosi ya Tilo

Hymn #1

Bayete! Hosi ya tilo,
L’a hi hanyisaka,
Ha phokota ni mavoko,
Ha nkhensa Yesu, Yesu,
Twarisan’ Yesu.

2 Ha twarisa Nkulukumba,
L’a nga hi ponisa,
A hi twela vusiwana,
Ha nkhensa Yesu, Yesu,
Dzunisan’ Yesu.

3 Ha nkhensa Hosi ya ntamu,
Loy’ a nga heriki;
A hi hlayisa masiku,
Ha nkhensa Yesu, Yesu,
Kurisan’ Yesu.

4 Ha dzunisa Hosi Yesu
L’a hi khanyisaka;
Ha vonga vito ra yena,
Ha nkhensa, Yesu, Yesu,
Dzunisan’ Yesu.