Sefela Sa 278

1.
Lintoa tsee re li pheelang
Ke tsa hao, Morena.
Ho se kamoo u ka hloloang;
Ahe, re tla hlola!
Sera leha se re qeta,
Re fokotse, re maqeba,
Re u tšepile, Senatla,
Re tla kopana le uena
Lintoeng tsa hao,
Le ho hloleng ha hao

2.
Re tal u sla morao
Tseleng e bohloko;
Re tla jara sefapano,
Khopiso ho batho.
Pel’a rona ke bothata,
Litsietsi le lebitla;
Che, ha u shoele, re tla tsoha.
U tsohile, re tla tsoha
Lefu lena
Le tsoalo ho phela.

3.
Re ruile leholimo
Re sa le lefatšeng;
Lehlakana la bophelo
Le tholoa liretseng.
Jalo li e-so ho mele,
Li shoele, ‘me li bolile,
Ho ntan’o hlaha kotulo,
Botle, mehoo ea thabo.
Mahlomola
Ke khoro ea khanya.

4.
Satan’o re: Ho felile,
Ha ba na ho tšepa;
O re: Jesu ke mo hlotse,
‘Muso ke oa rona.
Athe ua busa, Morena,
Esale joale, le mehla.
Re tla busa le ‘Moloki;
Re tla phela le Mopheli,
‘Me lihele
U s’u li hatile.



Top